Сайттан издөө
Сайттан издөө
Кыргыз Республикасынын Президенти

Жергиликтүү соттун судьясы Иматилла Жолдошовдун ыйгарым укуктары токтотулду

Кыргыз Республикасынын Президенти Садыр Жапаров “Кыргыз Республикасынын жергиликтүү сотунун судьясынын ыйгарым укуктарын токтотуу жөнүндө” Жарлыкка кол койду.

Жарлыкка ылайык, Кыргыз Республикасынын Конституциясынын 70-беренесинин 4-бөлүгүнүн 4-пунктуна, 96-беренесинин 3-бөлүгүнө, “Кыргыз Республикасынын судьяларынын статусу жөнүндө” Кыргыз Республикасынын конституциялык Мыйзамынын 29-беренесинин
1,2-бөлүгүнө ылайык жана Кыргыз Республикасынын Судьялар кеңешинин сунушу боюнча Жалал-Абад облусунун Сузак райондук сотуна мурда жөнөтүлгөн Жолдошов Иматилла Султановичтин жергиликтүү соттун судьясынын ыйгарым укуктары токтотулду.

Ал 2022-жылдын 21-мартынан тартып курагынын чегине жеткендигине байланыштуу ээлеген кызматынан бошотулду.

2022-жыл 18-апрель